Аж үйлдвэр, эрдэс баялгийн сайд Г.Дамдинням Олон улсын уул уурхайн сайд нарын чуулга уулзалтад урилгаар оролцжээ.
Канадын Эрчим хүч, байгалийн нөөцийн сайдын Парламентын нарийн бичгийн дарга Клод Гэй хуралдааныг нээсэн бөгөөд тэрбээр Г.Дамдинням сайд Канадын Бритиш Колумбийн их сургуулийг төгсөнийг онцлон, үг хэлэхийг урьсан байна.
Сайд Г.Дамдинням чуулга уулзалтад үг хэлэхдээ Монгол Улсын Засгийн газраас эрдэс баялгийн салбарт баримталж буй бодлого, өнөөгийн байдал болон хууль эрх зүйн хүрээнд хийхээр төлөвлөж буй өөрчлөлт шинэчлэлийн талаар танилцуулжээ.
Хуралдаанд Австрали, Канад, Франц, Шинэ Pеланд, Саудын Араб, Нигер, Бельги болон бусад орнуудын төлөөлөгчид оролцож, ашигт малтмалын ирээдүйн стратеги сэдвийн хүрээнд өөр өөрийн улсын Засгийн газраас баримталж буй бодлого, чухал ашигт малтмалын тогтвортой, найдвартай ханган нийлүүлэлт, түүхий эдийн хамаарал, байгаль орчин, нийгэм эдийн засгийн нөлөө, бүс нутгийн хамтын ажиллагаа болон төр, хувийн хэвшлийн оролцоо, геологийн судалгаа, өнөөгийн байдлын талаар санал солилцсон байна.
Сэтгэгдэл (0)
Сэтгэгдэл бичигдээгүй байна