ESL Pro League-ийн 23-р улирлын 1-р шатны нээлтийн тоглолтуудыг зарлалаа. Тэмцээн гуравдугаар сарын 1–5-ны хооронд онлайн хэлбэрээр, швейцарь системээр явагдана.
Оноолтыг багууд хоорондоо бие биеэ хэрхэн эрэмбэлснээр тогтоосон бөгөөд хамгийн өндөр үнэлгээ авсан Parvision баг эхний тоглолтоо хамгийн доод эрэмбэтэй SemperFi багийн эсрэг хийхээр болжээ.
Senzu Мөнхболдын Азбаяр Passion UA баг дахь анхны тоглолтоо хийж, liquid багийн эсрэг дебютээ хийнэ. Тус тоглолт гуравдугаар сарын 2-ны шөнийн 2 цагт товлогджээ.
Эхний тойргийн онцлох тоглолтуудад мөн Nijas in Pyjamas баг Legacy-тай хийх тоглолт багтаж байна. Legacy багийн хувьд Andrei Piovezan (arT) шинэ тоглолтын удирдагчаар дебютээ хийх бөгөөд Lucas Meneghini (lux) IEM Krakow-ын дараа сэлгээний бүрэлдэхүүнд шилжсэн юм.
Сэтгэгдэл (0)
Сэтгэгдэл бичигдээгүй байна