Эх, хүүхдийн эрүүл мэндийн үндэсний төв Японы Олон улсын хамтын ажиллагааны байгууллага (ЖАЙКА)-тай хамтран хүүхдийн нүдний эмгэгийг эрт илрүүлэх, тогтолцоог сайжруулах зорилгоор санамж бичиг байгуулжээ.
Санамж бичгийн хүрээнд 3 наснаас эхлэн хүүхдийн нүдний үзлэгийг тогтмол хэрэгжүүлэх тогтолцоог бүрдүүлэхэд чиглэсэн арга хэмжээг хэрэгжүүлэх юм. Ингэснээр хүүхдийн харааны эмгэгийг эрт үед нь илрүүлж, цаашдын хүндрэлээс урьдчилан сэргийлэх боломж бүрдэх ач холбогдолтой.
Мөн уг санаачилгын хүрээнд Япон улсад хүүхдийн нүдний эмгэгийг эрт илрүүлэх скрининг үзлэгийн чиглэлээр эмч, сувилагч нарыг мэргэшүүлэх, туршлага солилцох үйл ажиллагааг зохион байгуулахаар төлөвлөсөн байна.
Сэтгэгдэл (0)
Сэтгэгдэл бичигдээгүй байна