ЛИНДСЕЙ ВОНН: ӨВДӨГНИЙ ЧАГТАН ХОЛБООС ТАСАРСАН Ч ОЛИМПОД УРАЛДАХЫГ ХҮСЭЖ БАЙНА

Олимпын аварга, домогт тамирчин Линдсей Вонн уулын цанын уралдаан тэмцээндээ амжилттай оролцож, өвлийн олимпыг хүлээж байлаа.
Гэвч хэдхэн хоногийн өмнө өвдгөндөө гэмтэл авснаар яаралтай эмнэлэгт хүргэгдэж, Милан Кортинагийн өвлийн олимпод оролцож чадах эсэх нь эргэлзээтэй болсон.
Тэгвэл тамирчин өөрөө олимпод оролцож чадна гэж итгэж байгаа ажээ.
Гэвч гэмтэл нь маш хүнд. Өвдөгний урд чагтган холбоос нь бүрэн тасарчээ.
“Дэлхийн цомын сүүлчийн шат Кранс Монтанад өнгөрсөн баасан гаригт болох үеэр миний өвдөгний чагтган холбоос тасарсан. Одоо өдрөөс өдөрт хөдөлгөөнөө сайжруулах шаардлагатай боллоо.
Миний зорилго тодорхой, уулын цанаар хурдтай буух. Эхэндээ биеийн байдал, эдгэрэлтээ жаахан харзная. Хэрвээ гэмтэл хэвийн тогтвортой эдгэх шинжтэй байвал би үргэлжлүүлэн өрсөлдөх болно. Энэ бол миний зорилго.
Гэхдээ 85 миль/цаг-ийн хурдтай бууж үзтэлээ та бүхэнд бүрэн баталгаатай хэлж чадахгүй нь” хэмээн Вонн өгүүлжээ.
Зөвхөн чагтган холбоос тасраад зогсохгүй мениск мөн урагдсан байна.
Линдсей Вонн энэ олимпыг сүүлчийнх гэдгээ аль хэдийн зарлачихсан.
Одоо 41 настай тамирчин Дэлхийн цомын шат бүрт амжилттай оролцож, гэмтэх хүртлээ хамгийн муу амжилт нь дөрөвдүгээр байр байлаа.
Вонн спортдоо эргэж ирсэн нь том үйл явдал болж, шүтэн бишрэгчид, өвлийн спорт сонирхогчид маш таатайгаар хүлээн авсан. Өвдөгний гэмтлийн улмаас 6 жил орчим уралдаан тэмцээнд оролцоогүй домогт тамирчин дахин уралдаж эхлэхэд тэгэлгүй яахав.
Гэвч өвлийн олимпын өмнөх сүүлчийн уралдаандаа харамсалтайгаар гэмтэж, байдал эргэлзээтэй болчихоод байна.

Эх сурвалж: SSS19 пэйж хуудас