Өвлийн олимпын хамгийн загварлаг хувцастай улсаар Монгол, АНУ, Канад зэрэг улсуудыг нэрлэжээ гэж SSS19 пэйж мэдээлсэн байна.
Бас 2024 оны Парисын олимпын хувцсаас болоод монголчууд ямар хувцас өмсөх бол гэсэн хүлээлт их байсан. Энэ удаагийн Милан Кортина 2026 Өвлийн олимпод тэд түүх соёл, уламжлалаа харуулсан хувцас өмсөнө.
XIII–XV зууны үеийн Монголын эзэнт гүрний хувцаслалтын хэв маягаас санаа авсан Goyol Cashmere брэндийн дизайнер энэхүү цуглуулгын бүх хэсэгт бэлгэдлийн утга шингээсэн бөгөөд үүнд материал нь хүртэл багтана. Тухайлбал, Монголын нүүдэлчид эртнээс “Төв Азийн өндөрлөгийн мөнхийн өвөл”-ийг даван туулахын тулд хэрэглэж ирсэн ноосон ширхэгт утсыг ашигласан нь онцлог юм. Монгол Улсыг “Мөнх хөх тэнгэрийн орон” хэмээн нэрлэдэг тул тамирчид нь цэвэр ноолууран материалаар урласан цэнхэр дээл, торгон эмжээр, эвэр хээтэй хатгамлаар чимэглэсэн хувцсаар төлөөлж байгаа нь тун "оновчтой" байна. Хормой нь хөдөлгөөнд саадгүй байхаар шийдэгдсэн бол үслэг ирмэгтэй өндөр малгай нь Монголын дайчдын өмсдөг байсан толгойн гоёлыг санагдуулна гэжээ.
Сэтгэгдэл (0)
Сэтгэгдэл бичигдээгүй байна