Монголын од тоглогч Senzu шинэ сорилт эрэлхийлж байгаа тул байрлал буюу үүргээ солих боломжийг авч үзэж байна.
The MongolZ багийн сэлгээнд суусан тоглогч Senzu буюу Мөнхболдын Азбаяр шинэ баг хайж байх явцдаа үндсэн AWP тоглогч руу шилжихэд нээлттэй байгаа талаар эх сурвалжууд HLTV-д мэдээлжээ.
The MongolZ баг өнгөрсөн оны аравдугаар сард сэлгээнд сууснаас хойш шууд эргэн тоглоход бүрэн бэлэн байгаа 19 настай Senzu-д ирэх саналуудыг нээлттэй байгаа талаар НLTV өчигдөр /2026.01.03/ мэдээлсэн юм.
The MongolZ 2026 оны бүрэлдэхүүндээ Сobrazera буюу У.Анарбилэгийг багтаа нэгтгэсэн бөгөөд 2025 оны сүүлийн гурван тэмцээнд Controlez /Б.Өнөдэлгэр/ орлон тоглогчоор амжилттай тоглосон билээ
Нөлөө өндөртэй AWP тоглогч ховор байдаг зах зээл дээр энэхүү шилжилт нь Senzu-д зарим боломжуудыг нээж өгч магадгүй. Гэсэн ч тухайн байрлалын үүрэгт дасан зохицоход тодорхой хугацаа шаардагдах бөгөөд ихэнх топ багууд аль хэдийн бүрэлдэхүүнээ түгжсэн байгаа юм.
Senzu The MongolZ багт байх хугацаандаа AWP-г хааяа ашигладаг байсан бөгөөд мэргэн бууч винтовоор авсан аллагууд нь түүний нийт kill-ийн ойролцоогоор зургаан хувийг эзэлдэг. PGL Cluj-Napoca тэмцээний үеэр тэрээр Wildcard багийн эсрэг Inferno мап дээр AWP ашиглан ace хийж, энэ зэвсэгтэй ямар аюултай тоглогч болохоо харуулсан юм.
Senzu-г Natus Vincere багт очиж магадгүй гэсэн яриа өнгөрсөн шөнө тархсан ч эх сурвалжуудын мэдээлснээр уг цуурхалд ямар нэг бодит үндэслэл байхгүй байна.
Эх сурвалж: HLTV
Сэтгэгдэл (0)
Сэтгэгдэл бичигдээгүй байна