The MongolZ баг нь сэлгээнд сууж буй тоглогч Азбаяр “Senzu” Мөнхболдыг авах сонирхолтой байгууллагуудын саналд нээлттэй байгаа талаар эх сурвалжууд HLTV-д мэдээлжээ. Монголын энэхүү байгууллага тоглогчид шинэ баг олоход нь туслуулахаар ULTI Agency-д хандсан байна.
19 настай Senzu нь 2025 оны аравдугаар сараас хойш идэвхгүй байгаа бөгөөд “багийн тоглогчид болон менежментийн багийн хооронд хийсэн нухацтай хэлэлцүүлгийн дараа” гэнэтийн байдлаар сэлгээнд шилжсэн юм.
Жилийн төгсгөлийн өмнөхөн Senzu нь The MongolZ багийн өөр гурван тоглогчийн хамт Монголын The Tonight Show-ны дугаарт оролцсон нь 2026 онд бүрэлдэхүүндээ эргэн ирж магадгүй гэсэн таамгийг төрүүлсэн. Гэвч The MongolZ 2025 оны 12-р сарын 31-нд The Huns багаас 20 настай, ирээдүйтэй авьяастан Анарбилэг “cobrazera” Ууганбаярыг элсүүлснээ зарласнаар олон хүнийг гайхшрууллаа.
Улирлын сүүлийн хэсэг, тэр дундаа Будапештийн Major тэмцээнийг өнжсөн ч Senzu оны шилдэг 20 тоглогчийн жагсаалтад 13дугаар байрт бичигдсэн нь эхний есөн сарын турш тоглосон үр дүнг нь харуулсан үзүүлэлт юм. Энэ 9 сарын хугацаанд баг нь Esports World Cup-т түрүүлж, мөн Остин Major зэрэг гурван тэмцээнд дэд байрт орсон билээ.
Эх сурвалжуудын мэдээлснээр Senzu нь карьераа олон улсын багт үргэлжлүүлэх хүсэлтэй бөгөөд тоглолтод нэн даруй эргэн ороход бэлэн байгаа ажээ.
Эх сурвалж: HLTV
Сэтгэгдэл (0)
Сэтгэгдэл бичигдээгүй байна