ӨСВӨРИЙН ДААМЧИД 2 АЛТ, 5 МӨНГӨ, 2 ХҮРЭЛ МЕДАЛЬ ХҮРТЭЖ, БАГИЙН ДҮНГЭЭР ДЭЛХИЙН АВАРГА БОЛЛОО

Турк улсын Анталья хотод 2025 оны тэмцээн 10 дугаар сарын 24 -нөөс 11 дүгээр сарын 1-ний өдрүүдэд болж буй "100 буудалт даам"-ын Өсвөр, залуучуудын дэлхийн аварга шалгаруулах тэмцээнээс 2 алт, 5 мөнгө, 2 хүрэл медаль авч, багийн дүнгээр алтан медаль хүртэж, бахдам амжилт үзүүллээ. 

Швейцарь системийн 9 өрөг тоглож, 7 өдрийн турш үргэлжилж дүнгээ гаргасэн тус тэмцээнд манай улсаас  34 тамирчин охид, хөвгүүдийн 5 насны ангилалд оролцжээ.

Медаль авсан тамирчид 

Young Stars Girls Gys / 8 -хүртэлх нас охид/

• Мясүрэн овогтой АМИН -ЭРДЭНЭ -МӨНГӨН медаль /Сонгодог байрлал клуб/ 

Young Stars Boys Bys / 8 - нас хөвгүүд/ 

• Зоригоо овогтой ЧИНТӨГС МӨНГӨН медаль /Элит даамын клуб /
• Даваадорж овогтой ОТГОНБАЯР ХҮРЭЛ медаль /Сонгодог байрлал клуб / 

Hopes Girls G10 / 9-10 нас охид/

• Баянмөнх овогтой ЭРМҮҮНЗАЯА АЛТАН медаль /Архангай аймаг Daam Messi клуб/
• Насанжаргал овогтой ДЭЛГЭРЖАРГАЛ МӨНГӨН медаль / Хожлын нүүдэл академи/ 

Hopes Boys B10 / 9-10 нас хөвгүүд ангилалд/

• Эрдэнэцогт овогтой АРВИН - ЭРДЭНЭ -АЛТАН медаль /Монголын даамын академи/
• Дамдинбазар овогтой ДАМДИНПҮРЭВ -МӨНГӨН медаль /57-р сургууль Daam Messi клуб / 

Mini Cadets Girls G13 / 11-13 нас охид ангилалд/

• Чулуунсуурь овогтой ГООМАРАЛ МӨНГӨН медаль /Элит даамын клуб / 

Cadets Girls G16 / 14-16 нас охид ангилалд/

• Занданбал овогтой ОТГОНСҮРЭН ХҮРЭЛ медаль /Сонгодог байрлал клуб/ 

Дашрамд дурдахад Б.Эрмүүнзаяа Монголын даамчдаас Дэлхийн аварга шалгаруулах тэмцээний үндсэн төрөлд хошой аварга болсон анхны тамирчин болж байгаа бөгөөд үүнээс гадна блиц төрлөөр хоёр, рапид төрлөөр нэг алтан медаль хүртэж байсан юм.