Баруун бүсийн ахлах ангийн сурагчдын дундах “ХУРДАН CUP-2025” мэдээллийн технологийн гурван төрөлт анхдугаар тэмцээн Ховд аймгийн Жаргалант сумын Биеийн тамир спортын газарт 9 дүгээр сарын 24-нөөс 26-ны өдрүүдэд зохион байгуулагдах гэж байна.
Цахим хөгжил, инновац, харилцаа холбооны яам, Төрийн цахим үйлчилгээний зохицуулалтын газар болон Ховд аймгийн Иргэдийн Төлөөлөгчдийн Хурал, Ховд аймгийн Засаг даргын Тамгын газар хамтран зохион байгуулж буй тус тэмцээнд Ховд, Баян-Өлгий, Увс, Завхан, Говь-Алтай аймгийн ахлах ангийн сурагчид, өсвөрийн “ХУРДАН” клубийн гишүүд оролцоно.
Тэмцээн дараах 3 төрлөөр явагдана.
Нисгэгчгүй нисэх төхөөрөмж буюу Дрон жолоодлого
• Сонирхогчдын /commercial/
• Тоглоомын /toy/
• Өөрөө угсрах /DIY/
Цахим спортын тэмцээн
• Counter-Strike 2
• Mobile Legends (сонирхогчдын)
“DIGITAL FIRST” сэдэвт илтгэлийн тэмцээн
Бүртгэл 9 дүгээр сарын 19-ний өдрийг хүртэл Баян-Өлгий, Говь-Алтай, Завхан, Увс, Ховд аймаг дахь Төрийн цахим үйлчилгээний хэлтэст явагдана.
“ХУРДАН CUP-2025” тэмцээн нь Монгол Улсын мэдээллийн технологийн салбарын ирээдүйн мэргэжилтнүүдийг ахлах ангиас нь эхлэн бэлтгэх, хүүхэд залуусын багийн ажиллагаа, технологийн сэтгэлгээ, ур чадварыг хөгжүүлэх, дэмжих зорилготой арга хэмжээ юм.
Сэтгэгдэл (0)
Сэтгэгдэл бичигдээгүй байна