"Korea global education fair 2024" үзэсгэлэнд хиймэл оюун ухаанд суурилсан ухаалаг ангийн загварыг танилцуулжээ.
Хүүхэд бүрийн өмнө камер, микрофон, дэлгэц, нөүтбүүк /ipad/ бүхий багаар ажиллах орчин үеийн шийдэл, загвар бүхий ширээ, сандал байрлана. Эдгээр ухаалаг тоног төхөөрөмжүүд хүүхэд бүрийн нүүрний хувирал, дуу хоолойг бүртгэж, аль баг хичээлд хэрхэн оролцож байгааг цаг тухай бүр бүртгэн багшийн дэлгэцэд дата цугларах юм.
Олон хувилбараар ашиглах боломжтой ухаалаг дэлгэц, тус тусдаа боловч үйл ажиллагааг нэг талбарт буулгах системийн шийдэл, самбарт дуудагдаж гарч тайлагнах бус өөрийн дэлгэцээс шууд төв дэлгэц рүү шилжүүлэх үйлдлүүд, бусдад саад болохгүйгээр тухайн сурагчид үзүүлэх нэмэлт тусламж зэрэг тухайн анги танхимд бий болох олон үйлдлийг багтаасан хиймэл оюун ухаанд суурилсан ухаалаг ангийг дунд, ахлах сургуулиудад нэвтрүүлжээ.
Төсөл бичих чадварт онцгой ач холбогдол өгч, хүүхэд бүрийн гаргаж буй санаачилгыг дэмжиж, түүнийг бодит ажил болгох үүднээс санаагаа төсөл болгох танхимын шийдлийг ч гаргажээ. Танхимд хүүхдүүд өөрийн санаагаа ажил хэрэг болгох төслүүдийг бичихэд нь хиймэл оюун ухаан тусална. Сурагчдын санаачилсан төслийн талаар бодлого боловсуулдаг, хэрэгжүүлдэг бүхий л түвшний хүмүүс мэдээлэл авч, үйл ажиллагаандаа тусган хэрэгжүүлнэ. Өөрөөр хэлбэл, хүүхэд математикийн хичээлд суухдаа зөвхөн багшийн заасныг сурах бус олон эх үүсвэрээс өөрийн олж авсан мэдээллээ ашигладаг байх юм.
Сэтгэгдэл (0)
Сэтгэгдэл бичигдээгүй байна