2025 оны 4 дүгээр сарын 2-ны өдөр гараанаас гарсан "Таван цэг" багийнхан 2025 оны 7 дугаар сарын 5-ны өдөр амжилттай бариаллаа. Тэд энэ хугацаанд эх орныхоо баруун, зүүн, хойд, төв, өмнөд гэсэн хязгаар цэгүүд болон тусгаар тогтнолын үнэ цэнийг илэрхийлсэн түүхэн дурсгалт газруудаар очиж, өмнөө тавьсан түүхэн зорилгоо биелүүлж чадлаа.
Зэвсэгт хүчний 123 дугаар ангийн хөгжимчин, цэрэгжлийн спортын мастер, ахлах ахлагч Эрхэмбаярын Даваажамц 95 хоногийн хугацаанд 5011 км зам, Зэвсэгт хүчний 234 дүгээр ангийн гүүрчин аврагч, спортын мастер, дэд ахлагч Буян-Өлзийгийн Буянхишиг 46 хоногт 2222 км туулж, "Таван цэг"-ийнхэн багаараа түүхэн рекордыг Монгол Улсын хэт холын марафон гүйлтийн түүхэнд ийнхүү бичлээ. Ингэхдээ гүйгчид өдөр 50-100 км замыг туулж байсан ба 15 аймгийн 70 гаруй сум, нийслэлийн 3 дүүргээр дамжин гүйжээ.
Гүйгчдийн өдөр тутмын гүйцэтгэлтэд Монголын хэт холын марафон гүйлтийн холбооноос хяналт тавьж ажилласан бөгөөд өдөр тутамдаа цаг хугацаа, зай хэмжигч бугуйн цагийн тусламжтайгаар мэдээллийг хүлээн авч байсан юм.
"Таван цэг" төслийн хаалтын арга хэмжээ 7 дугаар сарын 9-ний өдөр ЗХЖШ-т зохион байгуулагдана. Энэ үеэр Монголын хэт холын марафон гүйлтийн холбооны удирдлага, албан тушаалтнууд оролцоно.
Эх сурвалж: Зэвсэгт хүчний жанжин штаб
Сэтгэгдэл (0)
Сэтгэгдэл бичигдээгүй байна