Улаанбаатар хотын насанд хүрэгчдийн аварга шалгаруулах үндэсний их сурын харваанд багийн дүнгээр Дотоод хэргийн их сургуулийн Ахлагчийн мэргэжлийн сургалт-үйлдвэрлэлийн төвийн захирал, доктор, профессор, цагдаагийн хурандаа Г.Ганбаатар ахлагчтай “Соёмбо” баг тэргүүн байр эзэлжээ.
Тус тэмцээний багийн төрөлд Улаанбаатар хот, дүүргийн 28 багийн 361 харваач цэц мэргэнээ сорин оролцсон байна.
Мөн тэмцээний эрэгтэйчүүдийн төрөлд тус сургуулийн Хангамж, ар талын газрын, Авто техникийн албаны жолооны дадлагын багш-жолооч, цагдаагийн ахлах ахлагч Б.Энхтүвшин 40 сумнаас 39 онож тэргүүн байр, хана харвааны төрөлд тэргүүн байр, хасаа харвааны төрөлд тэргүүн байр эзэлжээ.
Харин эмэгтэйчүүдийн төрөлд Хяналт-шинжилгээ, үнэлгээ, дотоод аудитын хэлтэсийн, эрүүл ахуйч, эмч ахлах дэслэгч Б.Пүрэвсүрэн 40 сумнаас 37 онож дэд байр, хана харвааны төрөлд тэргүүн байр, хасаа харвааны төрөлд дэд байрыг тус тус эзэлсэн амжилт үзүүлсэн байна.
Сэтгэгдэл (0)
Сэтгэгдэл бичигдээгүй байна