Төв аймгийн Мөнгөнморьт сумын ерөнхий боловсролын сургуулийн ахмад багш, боловсролын тэргүүний ажилтан Д.Буянбат тус сургуулийн дэргэдэх “Өсвөрийн дайчин” клубийн сурагчид Зэвсэгт хүчний 331 дүгээр ангийн үйл ажиллагаатай гуравдугаар сарын 21-ний өдөр танилцжээ.
Энэ үеэр ахмад багш Д.Буянбат тус ангийн бие бүрэлдэхүүнд эх оронч үзлийг төлөвшүүлэх богино хэмжээний сургалт зохион байгуулсан байна. Сургалтын төгсгөлд “Мөнгөн жавхаа” хамтлагийн сурагчид урлагийн тоглолт толилуулжээ.
Тус арга хэмжээ нь хүүхэд, залуучууд, иргэдэд эх орноо хайрлан хамгаалах, хөгжүүлэх үзэл санааг төлөвшүүлэх, түүх, соёлын мэдлэг олгох, иргэн-цэргийн хамтын ажиллагааг бэхжүүлэхэд чиглэсэн юм.
Сэтгэгдэл (0)
Сэтгэгдэл бичигдээгүй байна