“Гүнээсээ хайрлая” 2025 оны усны шилдэг шийдэл шалгаруулалтын шагналыг шилдэг байгууллага, шилдэг иргэн, шилдэг судлаач, судалгааны баг гэсэн 3 төрөлд олгожээ.
"Гүнээсээ хайрлая" 2025 – Шилдэг иргэн шагналын эзнээр Д. Батдорж тодорсон байна. Д.Батдорж 2021-2024 онд нийт 14 мянган литр орчим хур борооны ус тосож хуримтлуулан цэвэр усаа хэмнэжээ. Мөн Говь-Сүмбэр аймагт уурхайн шүүрлийн хаягдал усыг өөрийн санаачлагаар дахин ашиглаж, тарьж буй модоо усалж байгаа аж. Түүнчлэн компост машин ашиглаж өрхийн хэрэглээний хог хаягдлаа багасган, ус хэмнэлтийн тэмдэглэл хөтлөх, Сэлбэ голын эрэг дагуу хогийг цэвэрлэх зэргээр өдөр тутмын амьдралдаа хүрээлэн буй орчноо хайрлан, хамгаалах зуршлыг хэвшүүлсэн байна.
Сэтгэгдэл (1)