Өнөөдөр Дэлхийн усны өдөр. Энэ өдрийг “Ус ба Энхтайван” уриан дор тэмдэглэж байна.
Нийслэлийн нутаг дэвсгэрийн булаг шанд, нуур тойром, томоохон гол, мөрний урсац бүрэлдэх эхийг орон нутгийн тусгай хамгаалалтад авсан бөгөөд нийт нутаг дэвсгэрийн 27%-ийг эзэлж байна. Нийслэлийн хэмжээнд гадаргын усны тоо бүртгэлийг 2023 онд хийсэн.
Судалгаагаар 251 булаг шанд, 18 рашаан ус, 41 нуур тойром, 84 гол горхи урсаж байна.
НИЙСЛЭЛИЙН НУТАГ ДЭВСГЭР УСНЫ 4 САВ ГАЗАРТ ХАМРАГДДАГ. Үүнд:
Туул голын сав газар
Хараа голын сав газар
Умард говийн гүвээт-халхын дундад талын сав газар
Хэрлэн голын сав газар
Цөлжилт, хуурайшилт, бохирдлоос хамгаалах зорилгоор нийслэлийн нутаг дэвсгэрт 26 булаг шандны эхийг хамгаалж, гол горхи, булаг шандны усыг хуримтлуулах 4 хөв цөөрмийг байгуулж 160 гаруй мянган м3-ыг усыг хуримтлуулж экологийн таатай орчныг бүрдүүлээд байна.
2024 онд Нийслэлийн нутаг дэвсгэрт 3 булгийн эхийг хамгаалах, 1 хөв цөөрөм байгуулах ажлыг хийж гүйцэтгэхээр ажиллаж байна.
Эх сурвалж: Нийслэлийн Байгаль орчны газар
Сэтгэгдэл (0)
Сэтгэгдэл бичигдээгүй байна