Зэвсэгт хүчний 234 дүгээр анги Булган аймгийн Хялганат тосгоны Ерөнхий боловсролын сургуулийн ахлах ангийн сурагчдад Зэвсэгт хүчин болон ангийн үйл ажиллагааг сурталчлах, хүүхэд залуучуудад цэргийн албаар дамжуулан цэрэг, эх оронч хүмүүжлийг түгээн дэлгэрүүлэх, иргэн-цэргийн харилцааг бэхжүүлэх зорилготой “Эх оронч Монгол” сэдэвт нээлттэй хаалганы өдөрлөгийг зохион байгуулж явуулжээ.
“Эх оронч Монгол-Их сэргэлтийн жил”-ийн хүрээнд "Монгол цэргийн өдөр", орчин цагийн Зэвсэгт хүчин үүсэж хөгжсөний 104 жилийн ойг тохиолдуулан дээрх өдөрлөгийг зохион байгуулсан байна.
Өдөрлөгөөр ангийн түүхэн замнал, ангийн гүйцэтгэх үүрэг зориулалтыг танилцуулж, сурагчдад урлагийн хэсэгчилсэн тоглолтыг толилуулан цэргийн хоолны амталгаа хийлгэж, жагсаал, гардан тулааны үзүүлэх тоглолт, зэвсэг, техникийн үзэсгэлэнг тус тус үзүүлжээ.
Эх сурвалж: Зэвсэгт хүчний жанжин штаб
Сэтгэгдэл (0)
Сэтгэгдэл бичигдээгүй байна