"Монгол цэргийн өдөр", орчин цагийн Зэвсэгт хүчний 104 жилийн ойд зориулсан улс, аймаг, цэрэг, сумын цолтой хүчит 128 бөхийн уламжлалт барилдаанд Төв аймгийн Өндөрширээт сумын харьяат улсын заан Доржхандын Хүдэрбулга түрүүлж, Ховд аймгийн Буянт сумын харьяат, Говь-Алтай аймгийн Жаргалан сумын уугуул, улсын аварга Оргихын Хангай үзүүрлэв.
Дөрөвт Архангай аймгийн Хашаат сумын харьяат, “Алдар” спорт хороо, Зэвсэгт хүчний 034 дүгээр ангийн тамирчин, улсын заан С.Сүхбат, Баянхонгор аймгийн Жинст сумын харьяат, "Алдар" спорт хорооны тамирчин, улсын начин Э.Батмагнай нар шалгарсан. Шигшээ наймд улсын арслан Б.Орхонбаяр, улсын заан М.Лхагвагэрэл, улсын харцага Б.Зоригтбаатар, аймгийн хурц арслан Н.Өсөхбаяр нар үлдсэн юм.
Түрүү, үзүүр, шигшээ бөхчүүдийн шагналыг УИХ, Засгийн газрын гишүүн, Батлан хамгаалахын сайд С.Бямбацогт, ЗХЖШ-ын дарга хошууч генерал С.Ганбямба нар гардуулан өгч, баяр хүргэлээ.
Сэтгэгдэл (0)
Сэтгэгдэл бичигдээгүй байна