ХИЛ ХАМГААЛАХ ЕРӨНХИЙ ГАЗРЫН БАГ ТЭРГҮҮЛЖ, ДОТООД ЦЭРГИЙН ШТАБ, ТӨРЛИЙН ЦЭРГИЙН КОМАНДЛАЛУУДЫН БАГ УДААЛЛАА

Монгол Улсад орчин цагийн Зэвсэгт хүчин үүсэн байгуулагдсаны 104 жилийн ой, Монгол цэргийн өдрийг угтан зохион байгуулсан “Бидний нөхөрлөл” тэмцээнд цэргийн болон хууль сахиулах байгууллагын 180 гаруй удирдах бүрэлдэхүүн оролцсоноос багийн дүнгээр Хил хамгаалах ерөнхий газрынхан тэргүүлж, шилжин явах цомын эзэд болсон бол дэд байрт Дотоодын цэргийн штаб, гутгаар байрт Төрлийн цэргийн командлалуудын баг тус тус шалгарчээ.

Тэмцээний гар бөмбөгийн төрөлд 

• Тэргүүн байр - Тагнуулын ерөнхий газрын баг тамирчид, 
• Хоёрдугаар байр- Төрлийн цэргийн командлалын баг тамирчид
• Гуравдугаар байр- Цагдаагийн ерөнхий газрын баг тамирчид шалгарлаа.

Биллиардын тэмцээнд:

• Тэргүүн байр -Шүүхийн шийдвэр гүйцэтгэх ерөнхий газар, 
• Хоёрдугаар байр - Батлан хамгаалах яам, 
• Гуравдугаар байр - Хил хамгаалах ерөнхий газрын багийнхан оржээ. 

Буудлагын тэмцээний ПМ гар бууны төрөлд 

• Тэргүүн байр- Хил хамгаалах ерөнхий газрын Хилийн цэргийн хил судлалын хүрээлэнгийн захирал, хурандаа А.Ганбилэг, 
• Хоёрдугаар байр- Зэвсэгт хүчний Агаарын цэргийн штабын дарга, хурандаа Б.Энхзоргол, 
• Гуравдугаар байр - Батлан хамгаалах яамны Стратегийн бодлого, төлөвлөлтийн газрын дарга, бригадын генерал Ч.Гандирваа нар шалгарчээ. 

Буудлагын тэмцээний 7.62мм-ийн “СВД” винтовын төрөлд Дотоодын цэргийн штабын Дотоодын цэргийн 809 дүгээр ангийн захирагч, хурандаа Ж.Батцагаан, Хил хамгаалах ерөнхий газрын Хяналт-шинжилгээ, үнэлгээ, дотоод аудитын газрын дарга, хурандаа Б.Батмөнх, Тусгай хүчний цэргийн командлалын Тусгай ажиллагааны хяналтын төвийн дарга, хурандаа С.Болдбаатар эхний байруудад шалгарсан байна.

Буудлагын тэмцээний нэгдсэн дүнгээр 

• Тэргүүн байрт -Дотоодын цэргийн штаб, 
• Хоёрдугаар байрт - Төрлийн цэргийн командлалууд, 

  

• Гуравдугаар байрт - Хил хамгаалах ерөнхий газрын багийн тамирчид шалгарчээ.