“Монгол цэргийн өдөр”-ийн босгон дээр Зэвсэгт хүчний 119 дүгээр ангийн хугацаат цэргийн алба хаагчид "Чингис хаан" музейд өчигдөр /2025.03.12/ өдөр саатаж, эх түүхийн жимээр аялжээ.
Мөн “Шүхэрчин дайчид” хэмээн ард олондоо үнэлэгдсэн дэслэгч генерал Ш.Жадамбын нэрэмжит Цэргийн гавьяаны одонт Зэвсэгт хүчний 084 дүгээр ангийн үйл ажиллагаатай танилцсан юм. Энэ жил түүхт 60 жилийнхээ ойг тэмдэглэх тус ангийнхан хагас зууны түүхэн хугацаандаа Зэвсэгт хүчний “Онц” болон “Тэргүүний анги”-ийн болзлыг 20 гаруй удаа хангасан шилдэг хамт олон болохоо түрүүч, байлдагч нарт онцолж, цэргийн албанд нь амжилт хүссэн байна.
Зэвсэгт хүчний Жанжин штабын даргын тушаалын дагуу Зэвсэгт хүчний нэгтгэл, ангийн хугацаат цэргийнлба хаагчдад эх түүхээрээ бахархах, дэлхийн мянганы суут хүмүүн, эзэн богд Чингис хаан болоод түүнийг залгамжлагч хаадын түүхэнд гүйцэтгэсэн үүрэг, алдар суу, үйл хэргийг сурталчлан таниулах хүрээнд "Чингис хаан" музейн тайлбартай аялалд урьж байгаа юм.
Эх сурвалж: Зэвсэгт хүчний жанжин штаб
Сэтгэгдэл (0)
Сэтгэгдэл бичигдээгүй байна