Ч.ӨНӨРБАЯР: ЭРЧИМ ХҮЧНИЙ САЛБАРТ БАЙГАА ХҮНД СУРТЛЫН ТОГТОЛЦООГ АЛГА БОЛГОХ ЁСТОЙ

Засгийн газрын Хяналт хэрэгжүүлэх газрын дарга Ч.Өнөрбаяр цаг үеийн асуудлаар өнөөдөр /2025.03.10/ мэдээлэл хийв. 

2024 оны төгсгөлд Дархан-Уул аймагт иргэдийн санал гомдлын дагуу хяналт шалгалтын ажиллагаа хийгдсэн бөгөөд ноцтой зөрчлүүд илэрсэн.  Мөн бусад аймгууд, Төрийн өмчит газруудад энэхүү зөрчлүүд харагдаж байна гэж Ч.Өнөрбаяр мэдэгдэв.

Баянхонгор аймагт УИХ-ын нэр бүхий гишүүдээс ирсэн гомдол саналын дагуу хийгдсэн шалгалтаар хэд хэдэн газрын дарга нарыг хууль зөрчин томилсон байсан. Засгийн газрын харьяа байгууллагууд бусад аймгууд хяналт шалгалтын ажил хийгдэж байна.Төрийн албаны хууль болон бусад хууль тогтоомжийг мөрдөж ажиллах, хууль дээдлэх зарчмаар ажиллах, хууль зөрчсөн байгууллага болон төрийн албан хаагчдын засаж залруулах нь бидний үүрэг юм гэлээ.

Засгийн газрын хурлаар Ерөнхий сайдын чиглэл өгсний дагуу Эрчим хүчний асуудал дээр хяналт шалгалтын ажиллагаа хийсэн. Хяналт шалгалтын явцад эрчим хүч, цахилгааны үнэ 30-89 хувиар нэмэгдсэн байсан. Жил бүр эрчим хүчний хэрэглээ 10-12 хувьтай нэмэгдэж байгаа нөгөө талдаа зөвшөөрөл олгодог хүнд суртал нь цаашид эрчим хүчний салбарын шинэчлэл дээр өөрчлөлт хийх шаардлага байгааг дурдлаа. 

Хамтарсан Засгийн газрын бодлогод шинэ эрчим хүчний шинэ эх үүсвэр барьж байгуулах, эрчим хүний эрэлтийг хангахаар ажиллаж байгаа боловч зөвшөөрлийн асуудал, хүнд суртлыг устгахгүйгээр цааш явах боломжгүй юм. Энэ асуудал дээр төлөвлөгөө судалгаатай ажиллаж цаашид Засгийн газрын хуралдаанд танилцуулах болно гэлээ.