Говь-Алтай аймгийн Засаг даргын дэргэд ахлах ангийн сурагчдын “ХУРДАН” клуб байгуулагдаж, албан ёсоор нээлтээ 2025 оны хоёрдугаар сарын 24-ны өдөр хийжээ.
Төрийн цахим үйлчилгээний зохицуулалтын газар мэдээллийн технологийн чиглэлээр суралцах сонирхолтой хүүхдүүдийг дэмжих, өсвөр үе, залуучуудаар дамжуулан бүх нийтийн цахим ур чадварыг сайжруулах, төрийн цахим үйлчилгээний хүртээмжийг нэмэгдүүлэх зорилгоор аймаг, дүүргийн Засаг даргын дэргэд ахлах ангийн сурагчдын "ХУРДАН" клубыг байгуулж, өнөөдрийн байдлаар улс даяар 1200 гаруй сурагчдыг эгнээндээ нэгтгээд байгаа юм.
“ХУРДАН” клубээр дамжуулан хүүхэд залуусын цахим зөв хэрэглээ, технологийн дэвшлийн талаарх ойлголтыг нэмэгдүүлж, тэдний идэвх оролцоонд тулгуурлан нийгэмд нөлөөлөх, ирээдүйн мэргэжлээ сонгоход нь дэмжлэг үзүүлэхээс гадна мэдээллийн технологийн чиглэлээр гадаад, дотоодын төсөл хөтөлбөрт хамрагдах боломж нээгдэж байна.
Сэтгэгдэл (0)
Сэтгэгдэл бичигдээгүй байна