Э.ЭРХЭС ХОЁР АЛТ, 1 МӨНГӨ, 1 ХҮРЭЛ МЕДАЛЬ ХҮРТЭН, НАСАНД ХҮРЭГЧДИЙН ДАШТ-Д 16-ТАЙДАА ОРОЛЦОХ БОЛЖ, ТҮҮХ БҮТЭЭВ

Малайз улсын Куала Лумпур хотноо болсон “60th MILO/MAS MALAYSIA AGE GROUP” тэмцээнд "Сэлэм загас" клубын тамирчин,16 настай Э.Эрхэс 50м араар даллах сэлэлтээр 25,79 секунд амжилтыг үзүүлж, 2025 оны 7 сард Сингапур улсад болох Дэлхийн Аварга Шалгаруулах тэмцээний “В” стандарт цагийн болзлыг биелүүлж, Монгол Улсын рекорд амжилтыг шинэчлэн тогтоожээ.

Тэрбээр 

• 200м араар даллахын сэлэлтийн төрөлд 2:10.03 минутын амжилтаар Алтан медаль,
• 50м мэлхий сэлэлтээр 29.08 амжилтыг үзүүлж, үндэсний рекорд амжилтыг шинэчлэн тогтоож, Хүрэл медаль,
• 100м араар даллах сэлэлтээр 57.50 амжилтыг үзүүлж, үндэсний рекорд амжилтыг дахин шинэчлэн тогтоож, Алтан медаль,
• 200м Холимог сэлэлтийн төрөлд 2:09.11 минутын амжилтаар Мөнгөн медаль тус тус хүртсэн байна. 

Э. Эрхэс нь Дэлхийн аваргын В цагийг биелүүлсэн анхны эрэгтэй тамирчин болсон байна. Мөн Дэлхийн аварга шалгаруулах тэмцээний эрхээ албан ёсоор авсан усанд сэлэлтийн анхны, хамгийн залуу тамирчин болж усан спортын түүхэнд бичигдлээ.