Аж үйлдвэр, эрдэс баялгийн сайд Ц.Туваан Бүгд Найрамдах Солонгос Улсаас Монгол Улсад суугаа Элчин сайд Чой Жин Воныг хүлээн авч уулзлаа. Уулзалтаар талууд хоёр орны эрдэс баялгийн салбарын хамтын ажиллагаа, “Монгол, Солонгосын ховор металлын судалгааны төв” төслийн үйл явц болон “Монгол, Солонгосын хамтарсан ховор металлын хамтын ажиллагааны хороо”-ны 2 дугаар хуралдааныг зохион байгуулахтай холбогдуулан бэлтгэл ажлын талаар санал солилцов.
Бүгд Найрамдах Солонгос Улс цахим технологи, ухаалаг утас, хавтгай дэлгэц, дижитал технологийн салбарт дэлхийд тэргүүлэгч орнуудын нэг бөгөөд батерейн түүхий эд болох лити, кобальт зэрэг чухал ашигт малтмалын чиглэлээр хамтран ажиллах боломжийн талаар ярилцсан байна. Мөн “Монгол Солонгосын ховор металлын судалгааны төв”-д нийлүүлэх тоног төхөөрөмжийг гааль, НӨАТ-аас чөлөөлөхөд анхаарч ажиллахаа илэрхийлжээ.
Сэтгэгдэл (0)
Сэтгэгдэл бичигдээгүй байна