Комодо луу бол дэлхийн хамгийн том амьд гүрвэл юм. Ховордож буй энэ амьтан Индонезийн Комодо, Ринка, Падар болон Флорес арлуудаас олддог. Хамгийн том комодо луу нь 3.1 метр урттай 170 орчим кг жинтэй гэдэг. Комодо луу нь 60 хурц шүдтэй бөгөөд хазсан амьтнаа хордуулах чадвартай, шүд нь унасан ч эргэж төлждөг гэсэн мэдээлэл бий. Тус лууг хулгайлан авч, нэгийг нь 35000 ам.доллараар зарсан хэрэг гарснаас болоод одоогоос хэдэн жилийн өмнө Комодо аралд жуулчдыг нэвтрүүлэхийг хориглох шийдвэр Индонезийн эрх баригчид гаргаж байсан. Гэвч уг шийдвэрээ хэрэгжүүлээгүй байхдаа өөрчилж, Комодо арал руу нэвтрэх тохиолдолд жуулчдаас 1000 ам.доллар авах болгон хувиргасан юм. Ингэж үнийг нэмснээр комодо лууны амьдрах орчин, тэднийг хамгаалахад дорвитой зүйл хийж чадна гэж тайлбарлаж байлаа.
Комодо луу жинтэй ч гэлээ их хурдан гүйдэг амьтан бөгөөд тэр цагт 20 км хурдалдаг. Мөн алсын зайд байгаа зүйлсийг мэдрэх чадвар өндөртэй махчин энэ амьтан зэрлэг гахай, буга, үхэр, шувуу зэрэг бүхий л амьтнаар хооллодог, ширэнгэн ойн агуу хаан гэж нэрлэгдэж, оршин буй газартаа давамгай байдалтай амьдардаг.
Сэтгэгдэл (0)
Сэтгэгдэл бичигдээгүй байна