НААШАА ТЕК ЯПОН УЛСЫН IT САЛБАРЫН ТЭРГҮҮЛЭГЧ ARC КОМПАНИАС ХӨРӨНГӨ ОРУУЛАЛТ АВЧ, ХАМТРАН АЖИЛЛАХААР БОЛОВ

Монгол Улсын Наашаа тек /Nasha Tech/ компани Япон улсын IT-ийн салбар дах тэргүүлэгч компани ARC компаниас амжилттайгаар хөрөнгө оруулалт авчээ. 

Япон улсын IT-ийн салбар, тэр дундаа сүлжээ, суурилуулалт, дэд бүтэц болон систем хөгжүүлэлт, сургалтын салбарт 45 жилийн турш үйл ажиллагаа явуулж буй ARC компанитай хийсэн хөрөнгө оруулалтын гэрээнд ARC компанийн захирал Оота Такаюуки болон Наашаа Тек компанийн үүсгэн байгуулагч, захирал Чиндэгсүрэнгийн Чинбат нар гарын үсэг зурсан байна. 

ARC компани нь 1980 онд байгуулагдсан, Япон улсын 7 хотод 8 оффистой,  250 орчим үндсэн ажилтан, 120 орчим гэрээт ажилтантайгаар Япон улсын IT салбарт өргөн хүрээнд үйл ажиллагаа явуулдаг компани юм.

Тус компани нь Монгол Улсад үйл ажиллагаа явуулж буй Япон хэв маягтай Коосэн сургуулиудтай хамтран ажиллах гэрээг 2024 оны 3-р сард байгуулсан юм. Наашаа тек  компани болон ARC компаниуд хамтын ажиллагааны хүрээнд уг сургуулиудын оюутнуудад хичээл заах, оюутнуудад зориулсан төсөл хөтөлбөрүүдийг боловсруулах ажлыг амжилттай хийж байгаа аж. 

Хөрөнгө оруулалтын гэрээнд гарын үсэг зурах ёслолын үйл ажиллагаанд Коосэн сургуулиудын захирлууд мөн хүрэлцэн ирж, цаашдын хамтын үйл ажиллагааг ярилцсан байна. 

Хоёр компанийн хувьд цаашид Монгол болон Японы аль аль зах зээлд хамтран ажиллах бөгөөд Наашаа тек компанийн хувьд аль хэдийн Япон улс дах төслүүдэд оролцож эхэлсэн аж. Цаашид хамтын ажиллагаандаа  түшиглэн Монгол дах хүний нөөцөө бэлдээд зогсохгүй, мэдээллийн технологийн дэд бүтцийг хөгжүүлэн, Япон дах зах зээлд ажлын хүрээгээ тэлэхийг зорьж байна.