“Тамхины хяналтын тухай хуулийн хэрэгжилт, тулгамдаж буй асуудал” сэдэвт хэлэлцүүлэг Төрийн ордонд 2025 оны нэгдүгээр сарын 27-28-ны өдрүүдэд болов.
Хэлэлцүүлгийн үеэр яригдсан зарим мэдээллийг онцолъё.
- Өсвөр насны 13-17 насны хүүхдүүдийн 25 хувь нь электрон тамхи татаж, тамхидалтаар Азийн орнуудаас манай улс өндөрт орж байна.
- 2017 онд “Тамхины хяналтын тухай хууль”-д нэмэлт, өөрчлөлт оруулж, ахиц дэвшилтэй байсан ч хууль, эрх зүйн орчныг илүү сайжруулах шаардлага бий.
- Жил бүр цахилгаан тамхины хэрэглээ нэмэгдэж, өсвөр насны хүүхдүүдийн дунд дэлгэрч байна. Энэ чиглэлээр шийдэмгий арга хэмжээ авч, эрүүл ирээдүйн төлөө хамтран ажиллах шаардлагатай.
- Сургууль, боловсролын байгууллагын орчинд цахилгаан тамхины хэрэглээг хориглосон ч хүүхдүүдийн дунд хэрэглээ буурахгүй байна. Энэ талаар авсан арга хэмжээ сонирхлын бүлгүүдийн эсэргүүцэлтэй тулгарч байна. Гэсэн ч энэ чиглэлээр хийхээр төлөвлөсөн ажлаас ухрахгүй байж бодлогын хэмжээнд өөрчлөлт, шинэчлэлийг нэн даруй хийх нь чухал.
- Электрон тамхийг тоглоом, уруулын будаг, үзэг, цагны гэх зэргээр дурын хэлбэр дүрстэйгээр, олон төрлөөр, үнэр, амтны өргөн сонголттойгоор үйлдвэрлэж, худалдаалах болсон нь хүүхдийн сонирхлыг ихэд татаж байна. Үүний зэрэгцээ эцэг, эх, асран хамгаалагчдаас нуух боломжийг олгож байна.
- Бүтээгдэхүүнд никотины агууламж байхгүй гэдэг нь ташаа мэдээлэл. Уушги, тархины хөгжилд сөргөөр нөлөөлж, донтолт үүсгэдэг.
- Зарим улс оронд электрон тамхи оруулж ирэхийг зөвшөөрдөг ч маш нарийн зохицуулалттай худалдаалдаг бөгөөд ДЭМБ улс орнуудад хориглох зөвлөмж өгдөг.
- Электрон тамхийг сурталчлахгүй байх, хэрэв нэвтрүүлэхийг хориглосон бол чанга зохицуулалт хийх ёстой.
Сэтгэгдэл (0)
Сэтгэгдэл бичигдээгүй байна