Төрийн цахим үйлчилгээний зохицуулалтын газраас Төрийн банктай хамтын ажиллагааны санамж бичгийг өнөөдөр /2025.01.24/ байгуулжээ..
Санамж бичгийг үзэглэх ёслолын арга хэмжээнд Төрийн цахим үйлчилгээний зохицуулалтын газрын дарга П.Батбаатар, Төрийн банкны Бизнес хариуцсан Гүйцэтгэх захирлын тэргүүн орлогч Д.Сугар болон албаны бусад хүн оролцсон байна.
Ингэснээр иргэд Монгол Улсын хэмжээнд байрлах Төрийн банкны бүх киоск машинаас өөрийн нэр дээр бүртгэлтэй гар утасны дугаарт ирсэн нэг удаагийн кодыг ашиглан төрийн 12 байгууллагын 66 төрлийн лавлагаа, тодорхойлолтыг үнэ төлбөргүй авах боломж бүрдлээ.
Иргэд тус киоск машинаас:
• Төрсний бүртгэлийн лавлагаа
• Гэрлэсний бүртгэлийн лавлагаа
• Автотээврийн хэрэгслийн торгуулийн мэдээлэл
• Бүрэн дунд боловсролын үнэмлэхийн тодорхойлолт
• Газар эзэмших эрхийн гэрчилгээний лавлагаа
• Гаалийн зөрчлийн лавлагаа зэрэг төрийн үйлчилгээг нэг дороос авах юм.
Дашрамд дурдахад Төрийн цахим үйлчилгээний зохицуулалтын газраас “20 минутын хот” буюу иргэд оршин суугаа бүсээсээ хаашаа ч явсан 20 минутад төрийн үйлчилгээг авдаг байх стандартыг 486 байршил дахь “ХУРДАН” цэг, 237 байршил дахь “ХУРДАН” киоск машин, хөдөлгөөнт “ХУРДАН” цэгээр тус тус дамжуулан хүргэж байна.
Энэ удаад “Төрийн банк”-тай санамж бичиг байгуулснаар тус стандартын хэрэгжилтийг хувийн хэвшлийн оролцоотойгоор нэмэгдүүлж байгаа юм.
Сэтгэгдэл (0)
Сэтгэгдэл бичигдээгүй байна