Засгийн газрын өнөөдрийн /2025.01.22/ хуралдаанаар Нийтийн албан тушаалтны хууль бус хөрөнгийг хураан авах, нөхөн төлүүлэх тухай хуулийн төслийг хэлэлцээд УИХ-д өргөн барихаар болжээ.
Хууль зүй, дотоод хэргийн сайд О.Алтангэрэл энэ талаар сэтгүүлчдэд мэдээлэл өглөө.
Тэрбээр Засгийн газар авлигатай тэмцэх үүрэгтэйг онцлоод "Баялгийн шударга бус хуваарилалтад иргэд хамгийн их бухимддаг. Төрийн өндөр албан тушаалтнууд баяжиж хөлжиж байгаатай тэмцэнэ." гэв.
Нийтийн албан хаагчид хөрөнгийн эх үүсвэрээ тайлбарлаж чадахгүй бол хуулийн дагуу шалгаж, арга хэмжээ авна.
Нийтийн албан тушаалтнуудын хууль бус хөрөнгийг хураан авах, нөхөн төлүүлэх хуультай хамт нийт 17 хуульд нэмэлт өөрчлөлт оруулна. Өндөр албан тушаалтнуудыг хамгийн түрүүнд шалгана. Үнэхээр авлига авсан нь тогтоогдвол Эрүүгийн хуулиар шийтгэлээ хүлээнэ. Энэ хуультай холбоотой эсэргүүцэл гарна, одоо ил далд гарсаар байгаа. Хуулийг Засгийн газрын өргөн барьснаар УИХ баталвал өнгөрсөн жилүүдэд төрийн өндөр албан тушаал хашсан бүх хүнийг шалгана. Хууль бусаар хөрөнгөжсөн төрийн албан хаагчийн мэдээллийг төрийн байгууллагад гаргаж өгвөл урамшуулна гэж мэдэгдэв.
Сэтгэгдэл (0)
Сэтгэгдэл бичигдээгүй байна