Зудын эрсдэлийн үнэлгээгээр Цэцэн-Уул сум эрсдэл их гарсан бөгөөд цас ихтэй, өдөртөө хөрсөн дээрээ -25-30°С хүйтэн, шөнөдөө -40°С хэм хүйтэн байна.
Тиймээс байгаль цаг уурын хүндрэл тохиож буй энэ үед зэрлэг амьтдад авах арга хэмжээний төлөвлөгөөний дагуу биотехникийн арга хэмжээг хэрэгжүүлж эхэлжээ.
Тухайлбал зэрлэг амьтдад биотехникийн арга хэмжээг авах арга хэмжээний хүрээнд
тус сумын байгаль хамгаалагчид Цэцэн-Уул сумын Өлзийтийн хондлой, Бумбаны бөөрөг зэрэг газрын буга, бор гөрөөсөнд зориулж өвс, хужир тавьж өгсөн байна.
Бор гөрөөс нь гэрийн мал ордоггүй соргог бэлчээрийг илүүтэй сонгон байрладаг ба өвөл , зун ашигладаг бэлчээрт тэр бүр идээшилдэггүй онцлогтой.
Тус сумын нийт бэлчээр нутгийн 60 орчим хувь нь өвлийн бэлчээрийн хувьд гэрийн малын бэлчээртэй давхацдаг нь судалгаагаар тогтоогджээ. Сүүлийн жилүүдэд өвөлжилтийн нөхцөл байдал хүндэрч бод мал отроор өвөлжиж байгаа нь бэлчээрийн давхцлыг үүсгэж байгаа нөхцөл байдлын улмаас цаашид өвөлжилт, хаваржилт хүндэрсэн үед зэрлэг амьтдад үзүүлэх биотехникийн арга хэмжээг үргэлжлүүлэн явуулах шаардлагатай байгаа талаар Цэцэн-Уул сумын Засаг даргын тамгын газраас мэдээллээ.
Сэтгэгдэл (0)
Сэтгэгдэл бичигдээгүй байна