Залуучуудын Улсын шатрын аварга шалгаруулах тэмцээн нэгдүгээр сарын 10-12-ны өдрүүдэд болж, 10-20 насны эмэгтэй, эрэгтэй ангиллын нийт 188 шилдэг залуу шатарчид Швейцарь системийн есөн өрөгт оюун ухаанаа сорин өрсөлджээ.
Эмэгтэйчүүдээс Стейниц Монголын Шатрын Академийн тамирчин З.Нарансолонго, эрэгтэйчүүдээс Гэгээн арвай клубийн тамирчин Г.Амартүвшин нар аваргаар тодорчээ.
Тэмцээнээс шагнал хүртсэн тамирчид:
Эмэгтэй ангилал:
1-р байр З.Нарансолонго /Стейниц МША/
2-р байр эФМ Э.Хүслэн /Хан-Алтай клуб/
3-р байр эФДМ Б.Мөнгөнзул /Гэгээн арвай клуб/
4-р байр эФДМ Х.Баясгалан /Босоо ноён клуб/
5-р байр эФДМ Б.Буянхишиг /Стейниц МША/
Эрэгтэй ангилал:
1-р байр ОУМ Г.Амартүвшин /Гэгээн арвай клуб/
2-р байр ФМ Н.Содбилэгт /Хан-Алтай клуб/
3-р байр ФМ Г.Тэнгүүндалай /Босоо ноён клуб/
4-р байр СМ Г.Сүхбат /Говь-Алтай аймаг/
5-р байр Г.Чулуунбаатар /Сэлэнгэ аймаг/
Тэмцээний нэгэн зорилго нь Дэлхийн, Ази тивийн, Зүүн Азийн залуучуудын аварга шалгаруулах тэмцээнүүдэд эх орноо төлөөлөн оролцох үндэсний ялагчдыг тодруулах байсан юм. Тус тэмцээний аваргууд маань 2-р сарын 23-ны өдрөөс 3-р сарын 8-ны өдрүүдэд Монтенегро улсын Петровац хотноо зохион байгуулагдах Залуучуудын Дэлхийн аварга шалгаруулах тэмцээнд оролцоно.
Сэтгэгдэл (0)
Сэтгэгдэл бичигдээгүй байна