Олон улсын шатрын холбооноос сар бүрийн 1-ний өдөр гадаад чансааны жагсаалтыг шатрын спортын стандарт /классик/, түргэн /рапид/, түргэвчилсэн /блиц/ гэсэн 3-н үндсэн төрөлд шинэчлэн гаргадаг билээ.
2025 оны 1-р сарын 1-ний өдрийн шинэчилсэн жагсаалтаар гадаад чансааны үсрэнгүй өөрчлөлт гаргасан эхний 100-д эрэмбэлэгддэг шатарчдаас ОУ-ын шатрын холбоо нийтлэлдээ онцолсон юм.
Уг нийтлэлдээ шинэ оны босгон дээр зохион байгуулагдсан түргэн болон түргэвчилсэн тоглолтын Дэлхийн аварга шалгаруулах тэмцээний үеэр стандарт төрөлтэй харьцуулшгүй томоохон өөрчлөлтүүд гарсан бөгөөд Их мастер Т.Мөнхзул түргэн төрөлд +24, Олон Улсын шатрын холбооны дэд мастер Б.Мөнгөнзул түргэвчилсэн төрөлд +60 дүнгээр тус тус гадаад чансаагаа нэмэгдүүлэв хэмээн дурджээ.
Сэтгэгдэл (0)
Сэтгэгдэл бичигдээгүй байна