“Гэнхэ-2024” өвлийн хагас марафон гүйлтийн тэмцээнд Монгол Улс , БНХАУ, ОХУ-ын нийт 1500 гүйлтийн тамирчин уралдаж манай тамирчид алт, мөнгөн медаль хүртлээ.
БНХАУ-ын хамгийн хүйтэн цэгт зохион байгуулагдсан тус тэмцээний 21 км-ын зайн эмэгтэйчүүдийн ангилалд Монгол Улсын тамирчин Г.Уугантуяа алтан медаль хүртсэн бол 21 км-ын зайн эрэгтэйчүүдийн ангилалд Л.Амардэлгэр мөнгөн медаль хүртжээ.
Тавин хэмийн тэсгим хүйтэнд гүйгчид 21 км-ын цас, мөстэй бас өгсүүр, уруу замд уралдсан нь тэдний тэсвэр тэвчээр, эр зоригийн илэрхийлэл юм. Энэ тэмцээний мөнгөн медальт Л.Амардэлгэр нь залуу гүйгч бол Г.Уугантуяа нь Монголын хэт марафон гүйлтийн ОУХМ цолтой, 24 цагийн гүйлтийн Монгол Улсын аварга, дээд амжилтыг эвдсэн тамирчин аж.
Сэтгэгдэл (1)