Засгийн газрын Хяналт хэрэгжүүлэх газрын дарга Ч.Өнөрбаяр Байгаль орчин, уур амьсгалын өөрчлөлтийн яамны Төрийн нарийн бичгийн дарга Э.Баттулгыг хүлээн авч уулзжээ.
Уулзалтын эхэнд ЗГХХГ-ын дарга Ч.Өнөрбаяр Засгийн газрын Хяналт хэрэгжүүлэх газар Байгаль орчин, уур амьсгалын өөрчлөлтийн яаманд процессын дахин инженерчлэл хийхээр төлөвлөж байгааг дурдаад, цаашид хамтран ажиллахад шаардлагатай баримт бичиг, мэдээллийн нөөцөөр хангаж ажиллахыг хүссэн байна.
Тэрбээр Төрийн захиргааны төв байгууллагуудаас эхлээд орон нутгийн захиргааны байгууллагуудад төрийн бүтээмжийг нэмэгдүүлэх, шийдвэр гаргалтыг иргэдэд ойр, хүртээмжтэй болгох, хүнд суртлыг арилгаж, өндөр бүтээмжтэй, үр ашигтай засаглалыг бэхжүүлэх эрхэм зорилгын хүрээнд Засгийн газрын хяналтын тогтолцоонд тандан судлах, үр дүнг шинжлэх, эрсдэлийг удирдах, хянан шалгах, үнэлгээ, мониторинг хийх шинэлэг арга барилуудыг олон улсын дэвшилтэд онол, практик, улс орнуудын сайн туршлагад үндэслэн тасралтгүй сайжруулан ажиллана гэдгээ илэрхийлжээ.
БОУАӨЯ-ны Төрийн нарийн бичгийн дарга Э.Баттулга, Төрийн бүтээмжийг нэмэгдүүлэх, үр ашигтай, хүртээмжтэй засаглалыг бий болгох, төрийн үйлчилгээг сайжруулах зорилгоор процессын дахин инженерчлэл хийх чиглэлд хамтран ажиллахаа илэрхийлээд, БОУАӨЯ салбарын бодлого, чиглэл, үйл ажиллагаанд шинэлэг арга барилыг нэвтрүүлж, гаргасан зөвлөмжийн дагуу ажиллахад таатай буйгаа илэрхийлсэн байна.
Байгаль орчны асуудлаас гадна, уур амьсгалын өөрчлөлт гэх дэлхий нийтийн асуудал салбар яаманд харьяалагдаж буй нь бүтэц, чиг үүргийн хувьд төрийн алба хаагчдад тодорхой ачааллыг үүсгэж байна. Тиймд мэргэжлийн холбоод, төрийн бус байгууллагуудтай хамтран ажиллаж, БОУАӨЯ нь нэн тэргүүний тулгамдсан асуудлын хүрээнд бодлогын түвшинд ажиллах шаардлага тулгарч байгааг онцолжээ. Иймээс салбар яаманд процессын дахин инженерчлэл хийснээр ахиц дэвшил гарч дээр дурдсан асуудлууд шийдэгдэх боломж бүрдэнэ гэдэгт итгэлтэй байна гэсэн байна.
Сэтгэгдэл (0)
Сэтгэгдэл бичигдээгүй байна