Монгол улсын Засгийн газрын 2024-2028 оны үйл ажиллагааны хөтөлбөрт Төрийн албаны шинэчлэлийн бодлого, чадахуйн зарчимд суурилсан оновчтой бүтэц бүхий төрийн албыг бэхжүүлж, төрийн албан хаагчийн бүтээмжийг нэмэгдүүлэх, хяналт шалгалтын тогтолцоог сайжруулж, олон улсын үнэлгээний цогц системийг хөгжүүлэх, бодлогын баримт бичгүүдийн хэрэгжилтийн үнэлгээг боловсронгуй болгох зорилт тусгагдсан.
Засгийн газрын хяналт хэрэгжүүлэх газраас тус зорилтын хүрээнд хөгжлийн бодлогын хэрэгжилтэд “Үнэлгээ хийх нийтлэг журам”, “Мониторинг хийх нийтлэг журам” болон “Байгууллагын гүйцэтгэлийн удирдлагын хэрэгжилтийг дүгнэх нийтлэг журам”-ын төслийг танилцуулах хэлэлцүүлэг зохион байгуулжээ.
Хэлэлцүүлэгт Төрийн захиргааны төв байгууллага, УИХ-аас удирдлагыг нь томилдог захиргааны байгууллагууд, Засгийн газрын харьяа агентлагууд болон Нийслэлийн Засаг даргын тамгын газрын нийт 31 байгууллагын хяналт шинжилгээ, үнэлгээний асуудалд хариуцсан 130 гаруй албан хаагчид оролцож, журмын төслийн талаар санал солилцсон байна.
Сэтгэгдэл (0)
Сэтгэгдэл бичигдээгүй байна