ӨНӨӨДӨР ОЛОН УЛСЫН САЙН ДУРЫН АЖИЛТНЫ ӨДӨР

НҮБ-ын Ерөнхий Ассамблейн шийдвэрээр жил бүрийн 12 дугаар сарын 5-ныг эдийн засаг, нийгмийн хөгжлийн төлөөх Олон улсын сайн дурын ажилтны өдөр (IVD) хэмээн дэлхий нийтээр 1985 оноос эхлэн тэмдэглэжирсэн түүхтэй.

Монголын үндэсний сайн дурынхан “People Power” уриан дор сайн дурын үйл ажиллагааны хөгжил, хандлагад хувь нэмэр оруулах, олон улсын нийтлэг стандарт, туршлага, шинэ санаа, арга зүйг хуваалцах, хууль эрх зүйн орчинг сайжруулах, зохион байгуулалт, түншлэлийг хөгжүүлэх боломж нөөцийг нэмэгдүүлэх, тогтвортой хөгжилтэй уялдуулан олон талт, үр нөлөө бүхий  төсөл хөтөлбөрүүдийн хамтын ажиллагааг  шийдвэр гаргагчид, олон нийтэд  танилцуулах, тулгамдсан асуудлаа хэлэлцэх зорилгоор өнөөдөр нэгдэн чуулна. Чуулганд төрийн болон төрийн бус байгууллага, нийслэл, хөдөө орон нутаг, манай улсад үйл ажиллагаа явуулж буй “Дэлхийн зөн”, “Улаан загалмай нийгэмлэг” зэрэг олон улсын байгууллагын төлөөлөл 500 гаруй сайн дурынхан оролцоно.

2024 оны байдлаар үндэсний хэмжээнд нийт 10,000 гаруй сайн дурынхан 5.600.000.000 төгрөг\Таван тэрбум зургаан зуун сая\-өөр үнэлэгдэх нийгэмд тустай ажил үйлчилгээг үзүүлсэн байна. 

Тус чуулганаар

• “Сайн дурын үйл ажиллагаагаар дамжуулан тогтвортой ирээдүйг бий болгох нь” “ИРЭЭДҮЙ-РҮҮ” Хүүхэд залуучуудын сайн дурын үйл ажиллагааны хэрэгцээ,
• “Сайн дурын үйл ажиллагааны иноваци хөгжүүлэлт”,
• “Сайн дурын үйл ажиллагааны бодлогын нөлөөлөл”,
• “Сайн дурын үйл ажиллагаан дахь иргэний нийгмийн үүрэг оролцоо,
• Залуучуудын манлайлал” зэрэг сонирхолтой, шинэлэг сэдвээр илтгэл, хэлэлцүүлэг хийнэ.

  

Туршлагаа хуваалцах чиглэлээр :

• Орон нутгийн сайн дурын үйл ажиллагаа
• Онлайн сайн дурын үйл ажиллагаа
• Залуу сайн дурынхны үйл ажиллагаа
• Сайн дурынхны хамгаалал, хөгжүүлэлт  танилцуулах үзэсгэлэн болох юм. 

  

Мөн арга хэмжээний үеэр

• “Action volunteer” чимэглэлийн сайн дурын ажил хийх,
• “Соёлын өвөө хамгаалья”,
• “Нөхөрлөлийн мод” чимж, хамтдаа дурсамж бүтээх аж.  

“BEST VOLUNTEER AWARD 2024” ёслолын үйл ажиллагааны үеэр 

• Шилдэг сайн дурын залуу ажилтан 
• Шилдэг сайн дурын ажилтан 
• Шилдэг сайн дурын төсөл, үйл ажиллагаа   
• Шилдэг сайн дурын байгууллага  Сайн дурынхныг дэмжигч шилдэг байгууллага зэрэг номинацийн эзэд тус тус тодорно.