11 ХҮҮХЭДТЭЙ 23 НАСТАЙ ЭЭЖ

23 настай Кристина нөхрийн хамт 11 хүүхдээ өсгөж байна. Кристина багадаа бусад охидын л адил хайр дүүрэн гэр бүлтэй болохыг хүсдэг байв.

Тэр 17 насандаа хайр дурлалтай учирч хүүхэд төрүүлсэн ч үл ойлголцлоос болж найз залуугаасаа салжээ.

Кристина амралтын газарт одоогийн нөхөртэйгээ танилцсан байна. Нөхөр нь Кристинад анхны харцаар дурласан бөгөөд бүсгүйн дагавар хүүхэдтэй нь түүнд хамаагүй байлаа.

Хосууд олон хүүхэдтэй өнөр айл болохыг хүсдэг ижил сонирхолтой байжээ. Мөн хүүхдүүдэд нь ойролцоо насных байвал зүгээр ч гэж ярилцсан байна. Гэвч 2-3 ихэр хүүхэд төрүүлнэ гэдэг бол тийм ч амар биш зүйл гэдгийг хэн хэн нь мэдэж байлаа.

Кристинагийн нөхөр хангалттай орлого олдог чинээлэг хүн бөгөөд тээгч эхийн талаар Кристинад санал болгожээ. Бүсгүй зөвшөөрснөөр тэд 10 хүүхэдтэй болжээ. Кристна төрүүлсэн, төрүүлээгүй ялгаагүй бүх л хүүхдэдээ ижилхэн хайртай гэнэ. Түүнд хүүхдүүдээ өсгөхөд нь хэд хэдэн асрагч тусалдаг. Мөн нөхөр нь ч зав чөлөөтэй үедээ гэрийн ажилд оролцож, хүүхдүүдээ халамжилдаг байна.

Кристина маш их аз жаргалтай байгаа бөгөөд энэ бол түүний үргэлж мөрөөддөг байсан гэр бүл нь юм. Хосууд илүү олон хүүхэдтэй болохоор төлөвлөж байгаа гэнэ.