Аж үйлдвэр, эрдэс баялгийн сайд Ц.Туваан "IMARC 2024" Олон улсын эрдэс баялгийн чуулганд илтгэл хэлэлцүүлжээ.
Австрали улсын Сидней хотноо 2024 оны 10 дугаар сарын 29-31-ний өдрүүдэд зохион байгуулагдаж буй IMARC-2024 Олон улсын уул уурхайн чуулга уулзалтад Аж үйлдвэр, эрдэс баялгийн яам Монголын Уул уурхайн үндэсний ассоциаци% хувийн хэвшлийн төлөөллүүдтэйгээ хамтран үзэсгэлэнгийн талбай гаргаж, Монгол Улсын эрдэс баялгийн салбарыг сурталчлан таниулах ажлуудыг зохион байгуулж байна.
Чуулга уулзалтын эхний өдөр Монгол Улсын эрдэс баялгийн салбарыг олон улсын хөрөнгө оруулагч нарт сурталчлах зорилгоор "Монголын өдөр" арга хэмжээг амжилттай зохион байгуулжээ.
Тус арга хэмжээнд Аж үйлдвэр, эрдэс баялгийн сайд Цэвэгдоржийн Туваан, Монгол Улсаас Австрали улсад суугаа элчин сайд Д. Даваасүрэн, Австрали улсаас Монгол Улсад суугаа элчин сайд Кэти Смит нар нээлтийн үг хэлж, Занаду Майнз ХХК, Аспайр Лимитед ХХК, Степ Голд ХХК, Азийн Батерэй Металс ХХК байгууллагуудын гүйцэтгэх удирдлагууд илтгэл тавьж оролцсон байна.
Сэтгэгдэл (0)
Сэтгэгдэл бичигдээгүй байна