2024 оны 10 дугаар сарын 15-ны 08 цагаас 10 дугаар сарын 16-ны 8 цаг хүртэлх цаг агаарын тойм
Цасны зузаан: Өнөө өглөө /202.10.16/ цаг уурын өртөө, харуулын цасны зузааны мэдээгээр Баян-Өлгийн баруун, Увс, Завханы зүүн, Баянхонгорын хойд, Архангайн баруун, Хөвсгөлийн баруун өмнөд хэсгээр 0.0-8.0см цасан бүрхүүл тогтсоноос хамгийн их нь Завханы Түдэвтэйд 8.0 см, Тосонцэнгэлд 7.0 см, Нөмрөг, Сонгинод 6.0 см, бусад хэсгээр 0.0-5.0см цасан бүрхүүл тогтсон байна.
Хур тунадас: Өнгөрсөн хоногт баруун аймгуудыг нутгийн зүүн, төвийн аймгуудын нутгийн өмнөд хэсэг, зүүн аймгуудын нутгаар 0.0-13.0 мм хур тунадас орсон байна. Үүнээс хоногийн нийлбэрээр хамгийн их нь Завханы Цагаанхайрханд 13.0 мм, Түдэвтэйд 9.0 мм, Тосонцэнгэлд 7.0 мм, Сонгино, Нөмрөгт 6.0 мм, Увсын Завханд 7.0 мм, Баянхонгорын Галуут, Архангайн Цахир, Батцэнгэлд 6.0 мм, бусад хэсгээр 0.0-5.0 мм хур тунадас орсон байна.
Агаарын хамгийн их температур: Өчигдөр өдөр Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Орхон, Сэлэнгэ, Ерөө, Онон, Улз голын хөндий, Дорнодын тал нутгаар +1…+6 градус хүйтэн, Алтайн өвөр говиор +19…+24 градус, Их нууруудын хотгор, говийн бүс нутгийн өмнөд хэсгээр +13…+18 градус, бусад нутгаар +7…+12 градус дулаан байна.
Агаарын хамгийн бага температур: Өнгөрсөн шөнө нутгийн баруун хагаст 1-13 градусаар хүйтэрч, Хөвсгөлийн уулархаг нутаг, Завхан голын эх, Хүрэнбэлчир орчмоор -12…-18 градус, Монгол-Алтай, Хангай, Хэнтийн уулархаг нутаг, Орхон, Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндий, Дорнодын -4...-10 градус хүйтэн, говийн бүс нутгийн өмнөд хэсгээр +3…+8 градус дулаан, бусад нутгаар -3…+2 градус хүйтэн хоносон байна.
Cалхи: Өнгөрсөн хоногт ихэнх нутгаар секундэд 5-10 метр, говь, талын нутгаар секундэд 14-16 метр хүрч ширүүссэн байна.
Улаанбаатар хот орчмоор: Өнгөрсөн хоногт хур тунадас ороогүй. Салхи баруунaaс секундэд 5-10 метр. Өчигдөр өдөр +9…+11 градус дулаан, өнгөрсөн шөнө -4…-6 градус хүйтэн хоносон байна.
Сэтгэгдэл (0)
Сэтгэгдэл бичигдээгүй байна