УИХ-ын 2024 оны ээлжит сонгуульд оролцох улс төрийн нам, эвслүүд мөрийн хөтөлбөрөө Үндэсний аудитын газарт хүргүүлэх сүүлийн хугацаа өнөөдөр буюу 2024 оны гуравдугаар сарын 24-ний 24 цаг хүртэл үргэлжилнэ.
Сонгуулийн мөрийн хөтөлбөрт иргэдийн саналыг татах зорилготой мөнгө төгрөг тараах, элдэв зүйл амлахыг хориглосон байдаг бөгөөд үүнийг болон бусад зүйлийг аудит анхаарах юм.
Монгол Улсад бүртгэлтэй 37 нам байдгаас 2024 оны 3 дугаар сарын 23-ны 21:00 цагийн байлаар 10 нам мөрийн хөтөлбөртөө дүгнэлт гаргуулахаар Үндэсний аудитын газарт хүргүүлсэн байна. Үүнд:
• Иргэдийн оролцооны нэгдэл нам /ИОНН/
• Ард түмний Олонхийн Засаглал нам /АТОЗ/
• Зүй ёс нам
• Монгол Шинэчлэлт нам
• Эх орон нам
• Ард түмний хүч нам
• ХҮН нам
• Монголын либериал ардчилсан нам
• Иргэний хөдөлгөөний нам
• Эх орончдын нэгдсэн нам
МАН-ын Бага хурал өчигдөр /2023.03,23/ эхэлж, сонгуулийн мөрийн хөтөлбөрөө хэлэлцэж байгаа. Харин Ардчилсан намын ҮБХ-ны ээлжит бус хурал өчигдөр /2024.03.23/ болж, “Бүтэн Монгол, Бүрэн Ардчилал” 9+90+900 - Эрчимт хөгжлийн төлөвлөгөөг эцэслэн баталжээ
Сэтгэгдэл (0)
Сэтгэгдэл бичигдээгүй байна