УИХ-ын Ёс зүй, дэгийн байнгын хорооны өнөөдөр /2025.06.10/-ийн хуралдаанаар төрийн албан хаагчийн ёс зүйн хууль тогтоомжийн хэрэгжилт, төрийн албан хаагчийн ёс зүйн зөрчлийн нэгдсэн дүн, төлөв байдлын талаарх Ёс зүйн хорооны 2024 оны тайланг сонссонтой холбогдуулан хууль тогтоомжийн хэрэгжилтийг хангах талаар чиглэл өгөх тухай байнгын хорооны тогтоолын төслийг хэлэлцэж баталжээ.
Мөн Монгол Улсын Ёс зүйн хорооноос зохион байгуулсан “Бүсчилсэн хөгжил-Төрийн албаны манлайлал” сэдэвт зөвлөгөөний талаарх мэдээллийг сонссон байна.
Бүсчилсэн зөвлөгөөнд 6000 гаруй төрийн албан хаагчид хамрагдаж, төрийн алба болон хууль хэрэгжүүлэх явцад тулгамдаж буй асуудлыг хэлэлцжээ. Төрийн албан хаагчдын саналыг цахимаар болон бичгээр авсан байна. Цаашид хууль тогтоомжийн хэрэглээ, сургалт сурталчилгаа, соён гэгээрүүлэх ажил, холбогдох хуульд заасан сахилга, хариуцлагын зааг ялгааг тодорхой болгох шаардлагатайг танилцууллаа.
Сэтгэгдэл (0)
Сэтгэгдэл бичигдээгүй байна