Албаны эх сурвалжаас авсан мэдээллээр агаарын бохирдол зүрх судас, томууг улам хүндрүүлж, өвчлөл хүндрэхэд нөлөөлж байна. Өнгөрсөн долоо хоногт амбулаторийн тусламж үйлчилгээг нийт 277320 хүн авчээ. Тэдний 21 мянга буюу 7.7 хувь нь томуу, томуу төст өвчний оноштой байсан байна. Эмнэлэгт суурилсан тандалтын нэгжүүдээс өгсөн мэдээллээр 9633 хүн хэвтэн эмчлүүлжээ.
Томуу, томуу төст өвчин хүндэрч, амьсгалын замын цочмог халдвар, хатгалгаагаар илэрдэг. Амьсгалын замын цочмог хүнд халдвартай 3000 хүн буюу 32 хувьтай байгаа нь өнгөрсөн оны мөн үетэй харьцуулахад 10 орчим хувиар илүү байна. Эдгээр өвчтөний 5 хүртэл хувийг гол эрсдэлт бүлгийнхэн болох хүүхдүүд эзэлжээ. Өнгөрсөн долоо хоногтой харьцуулахад өнөөдрийн байдлаар /2024.12.11/ хүүхдийн өвчлөл 8 хувиар өссөн байна.
Түүнчлэн энэ сарын 5-ны байдлаар Халдварт өвчин судлалын Вирус судлалын лабораторид нийт 223 сорьцыг шинжлэхэд 48 сорьцонд амьсгалын замын синцитал вирус, томуугийн А хүрээний H1N1 вирус 12 тохиолдолд илэрчээ. Сарс, ковидын вирус 223 сорьцын 11-т нь илэрсэн байна.
Сэтгэгдэл (0)
Сэтгэгдэл бичигдээгүй байна