Япон Улсын төрийн бус байгууллагаар дамжуулан хэрэгжих “Тэгш хүртээмжтэй, цогц үйлчилгээгээр бага насны хүүхдийн хөгжлийг дэмжих нь” буцалтгүй тусламжийн төслийн гэрээнд тус улсаас манай улсад суугаа Элчин сайд М.Игавахара болон "Японы Хүүхдийг ивээх сан"-гийн Монгол дахь хөтөлбөрийн газрын захирал Тоёда Мицүаки нар гарын үсэг зуржээ.
"Японы Хүүхдийг ивээх сан" ТББ нь сүүлийн гурван жилийн хугацаанд “Хүүхэд бүрийг боловсролд тэгш хамруулах зарчмыг дэмжих” буцалтгүй тусламжийн хөтөлбөрийг Улаанбаатар хот, Өвөрхангай болон Ховд аймагт хэрэгжүүлсэн бөгөөд хүүхдийг боловсролд тэгш хамруулах чиглэлд анхаарч ажиллаж ирсэн юм. Энэ удаад хэрэгжих “Тэгш хүртээмжтэй, цогц үйлчилгээгээр бага насны хүүхдийн хөгжлийг дэмжих нь” төсөл нь сургуулийн өмнөх бага насны хүүхдүүдийн хөгжлийн бэрхшээлийг эрт үед нь илрүүлэх, эрт оролцоог хангахад эрүүл мэндийн төв болон цэцэрлэгийн ахуй орчинг сайжруулж, хүний нөөцийг чадавжуулахад чиглэх аж. Уг төсөл нь 2024 оны 3 дугаар сарын 30-наас 2025 оны 3 дугаар сарын 29-нийг хүртэл хэрэгжих бөгөөд төслийн нийт санхүүжилтийн дүн нь 620,302 ам.доллар юм.
Сэтгэгдэл (0)
Сэтгэгдэл бичигдээгүй байна