Өмнөд Солонгосын тэргүүн хатагтай Ким Кон Хид нэгэн номлогч 3 сая воны үнэтэй Dior-ийн цүнх, мөн 1.8 сая воны үнэтэй Chanel-ийн үнэртэй ус бэлэглэснийг авлигын хэрэг байж болзошгүй хэмээн хэдэн сарын турш шалгасан юм.
Тэгвэл Прокурорын газраас энэхүү үнэтэй бэлгийг авлига биш харин тэргүүн хатагтайтай уулзах гэсэн номлогчийн хүслээс үүдсэн бэлэг гэж гэж үзжээ. Тэргүүн хатагтайн номлогчтой KakaoTalk мессенжэрээр харилцсан зурвас, утасны яриануудыг чагнаж, мөрдөн шалгалт хийсний дүнд ийм шийдвэр гаргасан байна.
Тэргүүн хатагтайд үнэтэй бэлэг өгөх замаар Өмнөд Солонгосын Ерөнхийлөгч Юн Сүк Ёлд нөлөөлж, эрх мэдлийг нь ашиглахаар авлига өгсөн байж болзошгүй хэмээн шалгасан юм.
Сонирхолтой нь энэхүү хэргийг мөрдөн шалгахаар толгойлон ажиллаж байсан Авлигатай тэмцэх газрын ажилтан өнгөрсөн наймдугаар сард гэртээ амиа хорлосон юм.
Сэтгэгдэл (0)
Сэтгэгдэл бичигдээгүй байна