4000 гаруй үзэгч цугласан “Крокус Сити Холл” концертийн их танхимд галт зэвсэгтэй этгүүдэд халдаж, олон хүний амийг хөнөөсөн хэрэг ОХУ-д гарсан. Энэ аймшигт хэргийг үйлдсэн алан хядагчдын зарим нь тажик гаралтай хүмүүс гэдгийг ч зарласан.
Тэгвэл ОХУ-д хууль бусаар суугаа Тажикистаны иргэдийг гаргах ажиллагаа эхэлсэн байна. Санкт-Петербург хотоос хууль бусаар эх оронд нь амьдарч буй 418 хүнийг нутаг буцаалаа. Үүнд Тажикистаны иргэд олон байсан гэнэ. Оросууд тажикуудыг албадан нутаг буцаахаас гадна Тажикистанчууд өөрсдөө Оросоос гарах хүсэл их болсон байна. Алан хядлага болсны дараагаар тажикуудыг үзэн ядах хандлага гарч байгаа тул нутаг буцсан нь дээр гэж үзэх болжээ.
“Манай иргэд өөрсдөө айж цочирдсондоо ОХУ-аас гарахыг хүсч байгаа гэвэл илүү зохилтой. Тажикистанаас Орос руу явж байгаа гэхээсээ харин тэндээс ирж буй манай иргэдийн тоо олон болоод байна” хэмээн Тажикистаны Хөдөлмөрийн яамны дэд сайд Шахноз Нодири мэдэгджээ.
Сэтгэгдэл (0)
Сэтгэгдэл бичигдээгүй байна