ОН ГАРСНААС ХОЙШ 32 УДАА ГАЗАР ХӨДӨЛЖЭЭ

Аюулт үзэгдэл, ослын тохиолдол 2024 оны эхний 4 сарын байдлаар 1888 удаа бүртгэгдсэн нь өмнөх оны мөн үеэс 369-өөр буюу  24.3 хувиар өссөн гэж Үндэсний статистикийн хорооноос мэдээлэв.

Тухайлбал, хүний үйл ажиллагаатай холбоотой ослын хувьд:

• объектийн түймэр 1123,
•  цас шаварт суусан 261,
• төөрсөн, сураггүй болсон 97,
• усны осол 20 гарчээ.  

Ус, цаг уурын гаралтай аюулт үзэгдлийн хувьд:

• Үер 102
• Их хэмжээний цас орсон 19
• Хүчтэй салхи шуурга 30 удаа болсон байна.

Биологийн гаралтай аюулт үзэгдлийн хувьд:

• Галзуу 1
• Мялзан 4
• Боом-4
• Хонины цэцэг өвчин 35 гарсан тоон үзүүлэлттэй байна.

Геологийн гаралтай аюулт үзэгдлийн тухайд 32 удаа газар хөдлөлт болжээ.

Мөн 2024 оны дөрөвдүгээр сард цаг уурын үзүүлэлт ямар байсан талаар статистикийг гаргасан байна. Тухайн сард Сүхбаатар аймгийн Баруун-Урт суманд хамгийн их халсан бөгөөд 27.4 хэмд хүрчээ. Цасан бүрхүүлийн хамгийн зузаан нь Өвөрхангай аймгийн Арвайхээр суманд 19 см байсан аж. Дорноговь аймгийн Хөвсгөл суманд хамгийн олон буюу 10 өдөр шороон шуургатай байсан байна. Дөрөвдүгээр сард Баян-Өлгий аймгийн Алтай суманд хамгийн хүйтэн хэм ажиглагдсан бөгөөд -17.7 хэмд хүрчээ. Ховд аймгийн Зэрэг суманд салхи секундэд 38 мерт хүрч ширүүссэн нь салхины хамгийн үнэмлэхүй их хурдад тооцогдсон байна. Завхан аймгийн Цэцэн-Уул суманд хамгийн олон буюу дөрвөн өдөр цасан шуургатай байжээ.