Засгийн газраас өргөн мэдүүлсэн Үндэсний баялгийн сангийн тухай хууль болон хамт өргөн мэдүүлсэн хуулийн төслүүдийг өнгөрсөн дөрөвдүгээр сарын 19-нд УИХ-аар эцэслэн баталсан.
Ингэснээр уул уурхайн баялгаас ирээдүй хойчдоо өвлүүлэх, иргэн бүрд хувь хүртээх нөхцөл бүрдэж, хуримтлалын санг нээх боломжтой боллоо гэж эрх баригчид тайлбарлаж буй. Түүнчлэн Үндэсний баялгийн сангийн хуримтлалын сангийн дансыг албан ёсоор нээх үйл ажиллагаа энэ сарын 9-нд боллоо.
Тодотгоход, Үндэсний баялгийн сан 3 төрөлжсөн сангаас бүрдэнэ.
1. Ирээдүйн өв сан
2. Хөгжлийн сан
3. Хуримтлалын сан
Хуримтлалын санд “Эрдэнэс Монгол” нэгдлийн эзэмшилд буй стратегийн ордуудын төрийн эзэмшлийн 34 хүртэлх хувьд ногдох ногдол ашгийн орлогоос бүрдэж, цаашид ногдол ашиг Монголбанканд Хуримтлалын сангийн дансанд ШУУД төвлөрч, арвижна гэсэн мэдээллийг албаныхан өгч байна.
Энэхүү санг “Эрдэнэс Монгол” нэгдлийн бүрэлдэхүүн 6 компанийн нийт 500 тэрбум төгрөгөөр мөнгөжүүлснээр Монголбанк, арилжааны банкны эх үүсвэр 1.2 их наяд төгрөг болж, 10 мянган өрх зээл авах боломж бүрджээ.
Сэтгэгдэл (0)
Сэтгэгдэл бичигдээгүй байна