Нийслэлийн Засаг дарга Х.Нямбаатар тохижилт, үйлчилгээний ажилчдын цалинг 1000 ам.доллар болгохын зэрэгцээ хүүхдүүдийг нь гаднын улсад төлбөргүй сургах боломж бүрдүүлнэ, эхний ээлжид 100 хүүхдийг Герман улсад сургана гэж мэдэгдсэн.
Герман Улсын Тюрингэн мужийн FAV service GMBH, Нийслэлийн Засаг даргын Тамгын газар болон “Цэсэн боловсролыг дэмжих сан” ТББ хамтран ажиллах гурван талт санамж бичгийг өнгөрсөн 2023 оны арванхоёрдугаар байгуулсан байна.
Санамж бичгийн хүрээнд хот, нийтийн аж ахуйн чиглэлээр 100 хүүхдийг Герман Улсад суралцуулах хэлцэл хийжээ. Шалгуур хангасан хүүхдүүд эх орондоо хэлний бэлтгэлд суралцах бөгөөд сургалтын зардлыг нийслэлийн төсвөөс шийдвэрлэнэ. Төгсөгчид герман хэлний DSD шалгалтын B2 түвшинд тэнцсэн тохиолдолд тус улсад суралцах гэнэ.
Хүүхдүүд хүнсний технологич, системийн интеграцийн мэдээллийн технологи, бетон ба төмөр бетон, токарьчин, цэцэрлэгжүүлэлт, метро, нийтийн тээврийн инженер засварчин, дулааны слесарь, агуулах логистик, гүний байгууламж зэрэг мэргэжлээр суралцана.
Герман Улсад суралцах хугацаандаа мэргэжлээрээ цалинтай дадлага хийж, сард 1000 еврогийн тэтгэлгээр ажиллах боломжтой ажээ.
Сэтгэгдэл (0)
Сэтгэгдэл бичигдээгүй байна