ЧИНГЭЛТЭЙ ДҮҮРЭГ БҮХ ХОРООНДОО "ХУРДАН" ЦЭГТЭЙ БОЛОВ

Чингэлтэй дүүрэг бүх 24 хороондоо цахим үйлчилгээний “Хурдан” цэгийг байгуулжээ. Ингэснээр  төрийн цахим үйлчилгээний “ХУРДАН” цэгийг бүх хороондоо нэвтрүүлсэн хамгийн анхны дүүрэг болж, иргэд төрийн үйлчилгээг ойроос авах боломж бүрдэв. 

“ХУРДАН” цэгээс:

• нийгмийн даатгалын шимтгэл төлөлтийн талаарх тодорхойлолт,
• иргэний үнэмлэхийн лавлагаа,
• иргэний оршин суугаа газрын хаягийн бүртгэлийн лавлагаа,
• авто тээврийн хэрэгслийн торгуулийн мэдээлэл,
• жолоочийн лавлагаа, мэдээлэл,
• эрүүл мэндийн даатгалын төлөлт шалгах,
• жолоодох эрхийн оноо,
• шинжилгээний хариу авах,
• зээлийн мэдээллийн лавлагаа,
• үл хөдлөх эд хөрөнгөтэй эсэх лавлагаа,
• хуулийн этгээд улсын бүртгэлд бүртгэлтэй эсэх лавлагаа
• иргэний үнэмлэх дахин авах,
• ажилгүйдлийн тэтгэмж авах хүсэлт зэрэг төрийн 43 байгууллагын 478 төрлийн үйлчилгээнүүдийг нэг дороос авах боломжтой.

Өнөөдрийн байдлаар төрийн үйлчилгээг И-Монгол гар утасны аппликейшн, операторын системээр иргэдэд хүргэж байгаа бөгөөд тун удахгүй төрийн үйлчилгээний хөдөлгөөнт “ХУРДАН” цэг, өөртөө үйлчлэх 24 цагийн “ХУРДАН” цэгийг нэвтрүүлэхээр төлөвлөн ажиллаж байна.

Мөн төр, хувийн хэвшлийн хамтын ажиллагааны хүрээнд 4, 5 дугаар сард багтаан хүн амын төвлөрөл ихтэй зах, худалдаа үйлчилгээний төвүүдэд хувийн хэвшлийн киоск машиныг улсын хэмжээнд байршуулахаар ажиллаж байгаа ажээ.