Өнөөдөр буюу 2024 оны дөрөвдүгээр сарын 3-нд ёкозүна Хакүхо эхнэр Саёко болон шавь Ишиура нарын хамт Исэгахама дэвжээнд очлоо.
Шавь Хокүсэйхогийнх нь өдүүлсэн хэргийн улмаас дэвжээ нь хаагдсан тул өнөөдөр үлдсэн шавь нарынхаа хамтаар Исэгахамад шилжин очих ёстой байлаа. Гэвч хоёр дэвжээнийхэн хоёулаа бэлтгэлээ бүрэн хангаж амжаагүй учир дөрөвдүгээр сарын 7-нд Хакүхогийн дэвжээнийхэн Исэгахамад очихоор тогтжээ.
Исэгахама оякататай Хакүхо хамт яваа хүмүүсийнхээ хамт хоёр цаг орчим уулзан ярилцсаны дараагаар гарч ирээд “Үүнийг хүнд ажил гэж хэлж болох эсэхийг хэлж мэдэхгүй юм. Гэвч надад өдрөөс өдөрт хичээн ажиллахаас өөр сонголт байхгүй” хэмээн өгүүлжээ.
Хакүхо одоо Исэгахама оякатагийн зөвлөсний дагуу Японыг тойрон явж, шавь нарынхаа эцэг эхчүүдтэй уулзаж, санаа сэтгэлийг нь зовоосондоо уучлалт гуйж, тайлбар хийх ажээ.
Ийнхүү Мэргэжлийн сумогийн дэвжээнээ гайхамшигт амжилт тогтоосон домогт ёкозүна мөдхөн замд гарах гэж байна.
Сэтгэгдэл (0)
Сэтгэгдэл бичигдээгүй байна