2026 оны Олимпын наадмын уран гулгалтын чөлөөт үзүүлбэрт дэлхийн дээд амжилт тогтоон хосын төрөлд аваргалсан Японы уран гулгагч Рику Миура, Рюичи Кихара нар сүй тавьснаа зарлалаа.
Олимпын алт, мөнгөн медальт, Дэлхийн хоёр удаагийн аварга алдарт тамирчид олон жилийн турш мөсөн талбайд хамтдаа гаргасан амжилтынхаа дараа ийнхүү амьдралын шинэ хуудсаа нээж байна.
24 настай Миура, 34 настай Кихара нар буюу олноо “Рику-Рю” хэмээн танигдсан хос ням гарагт сүй тавьсан тухайгаа мэдэгдэж, Кихара мөсөн талбай дээр өвдөг сөхрөн гэрлэх санал тавьж буй зургийг нийтэлжээ.
Тэд 2019 онд хосын төрлөөр хамтран гулгаж эхэлсэн бөгөөд 2022 оны Бээжингийн Олимпын наадамд Японыг төлөөлөн оролцож, мөнгөн медаль хүртсэн.
Үүний дараа тэд 2023 оны Гран Пригийн финал, Дөрвөн тивийн аварга шалгаруулах тэмцээн, мөн дэлхийн аварга болж, 2025 онд дахин дэлхийн аваргын алтан медаль хүртсэн юм.
2026 оны Милано-Кортинагийн Олимпын наадамд богино үзүүлбэрийн дараа тавдугаар байрт орж байсан ч тэд гайхалтай эргэн ирэлт хийж, эцэст нь Олимпын аварга болсон.
Тэд дөрөвдүгээр сард спортоос зодог тайлсныхаа дараа одоо амьдралынхаа шинэ аяллыг хамтдаа эхлүүлж байна.
Сэтгэгдэл (0)
Сэтгэгдэл бичигдээгүй байна